Միտք և շարժում. վարպետության դաս

Իսպանիայում ուսումնառած խորեոգրաֆ Սոֆյա Գևորգյանը Խորեոգրաֆիայի ամբիոնի նախաձեռնությամբ վարպետաց դաս անցկացրեց «Պարարվեստի ռեժիսուրա» մասնագիտական կրթական ծրագրի երկրորդ և երրորդ կուրսերի ուսանողների համար։

Դասի ընթացքում մասնակիցներն ուսումնասիրեցին մտքի և շարժման կապը՝ հիմնականում աշխատելով իմպրովիզացիայի կոմպոզիցիայի և շարժման հետազոտության ուղղություններով։

Մասնակիցները ստեղծեցին շարժումներ ենթագիտակցությունից եկող ազդակների հիման վրա և կատարեցին վարժանքներ, որոնք նպաստում են մտածողության զարգացմանը և ստեղծագործականությանը։