Հանդիպում Ֆրանսիայի մշակույթի նախարարի հետ

Ֆրանսիայի Հանրապետության մշակույթի նախարար Ռիմա Աբդուլ Մալակը Կինոյի
տանը հանդիպել է ԵԹԿՊԻ-ի, ինչպես նաև ֆրանսիական դրամատիկական արվեստանոցի
ուսանողների և մի խումբ կինոգործիչների հետ։




Ռեկտոր Սառա Նալբանդյանը ներկայացրել է ԵԹԿՊԻ-ի գործունեությունը, խոսել
ֆրանկոֆոնիայի շրջանակում ձևավորված շարունակական համագործակցության մասին։




Ռեկտորն ընդգծել է, որ ինստիտուտի Ուսանողական թատրոնն առաջիկայում
խաղացանկային կարգավիճակով է հանդես գալու, ինչն էլ հնարավորություն կտա
անդրադառնալու նաև ֆրանսիացի հեղինակների ստեղծագործություններին։




Հանդիպմանը ներկա են եղել ՀՀ ԿԳՄՍ նախարար Ժաննա Անդրեասյանը,
նախարարության, Ֆրանսիայի մշակույթի նախարարի ղեկավարած պատվիրակության
ներկայացուցիչներ։