Շարունակվում է Մկո Մալխասյանի աշխատարանը

ԵԹԿՊԻ-ի ուսանողները հնարավորություն ունեն մասնակցելու ոլորտի փորձառու ու ճանաչված մասնագետների աշխատարաններին ու վարպետության դասերին՝ զարգացնելով իրենց մասնագիտական հմտությունները և ստեղծագործական տեսլականը։

Արդեն մի քանի շաբաթ է՝ ընթանում է կինոօպերատոր Մկո Մալխասյանի «Վիզուալ պատմասացություն» (Visual storytelling) առցանց աշխատարանը։

Կինոօպերատոր Մկո Մալխասյանն ամերիկյան հեղինակավոր կինոինստիտուտի (AFI) մագիստրոս է, Հայաստանի կինոօպերատորների գիլդիայի նախագահը։ Նա հանդես է եկել մի քանի տասնյակ խաղարկային ֆիլմերում ու կոմերցիոն նախագծերում։

Այսօր էլ Մկո Մալխասյանը շարունակում է աշխատել հեղինակավոր նախագծերում՝ միաժամանակ ակտիվորեն փոխանցելով իր փորձը նոր սերնդի մասնագետներին։