Նոր համագործակցություն

Երևանի թատրոնի և կինոյի պետական ինստիտուտը և Բուլղարիայի Սոֆիայի թատրոնի և կինոյի ազգային ակադեմիան (NATFA) ստորագրել են համագործակցության հուշագիր։

Հուշագրի նպատակն է խորացնել երկու կրթական հաստատությունների միջև կապերը կրթության, գիտության, արվեստի և մշակութային փոխանակման ոլորտներում։

Համագործակցությունը ներառում է՝

• Երկկողմ համագործակցության զարգացում կրթության, գիտության և արվեստի ոլորտներում,

• Ուսանողների, դասախոսների, գիտաշխատողների և վարչական անձնակազմի փոխանակում,

• Համատեղ նախագծերի իրականացում թատրոնի, կինոյի, մեդիայի և կատարողական արվեստների ոլորտներում,

• Միջազգայինացման ռազմավարությունների խթանում,

• Մշակութային երկխոսության և մասնագիտական փորձի փոխանակման ամրապնդում։

Այս հուշագիրը նոր հնարավորություններ կբացի ինչպես ԵԹԿՊԻ-ի ուսանողների, այնպես էլ դասախոսների համար՝ ստեղծելով միջազգային համագործակցության կարևոր հարթակ։